• Басты
  • Жаңа Заңда ақпараттық технологиялар және байланыс саласында қандай түзетулер болмақ
27 Маусым, 2017 16:28

Жаңа Заңда ақпараттық технологиялар және байланыс саласында қандай түзетулер болмақ

«Қазақстан Республикасының кейбір заңнамалық актілеріне ақпарат және коммуникациялар мәселелері бойынша өзгерістер мен толықтырулар енгізу туралы» заң жобасында ұялы байланыс операторларына радиожиілікті спектрлерді бірлесіп пайдалану құқығын беру арқылы байланыс қызметтерінің сапасын арттыруға бағытталған нормалар көзделген. Бұл туралы ақпарат және коммуникациялар министрі Дәурен Абаев ҚР Парламентінің Мәжілісінде заң жобасын таныстыру барысында мәлім етті.

Жаңа Заңда ақпараттық технологиялар және байланыс саласында қандай түзетулер болмақ | Strategy2050.kz

Бұқаралық ақпарат құралдарын реттейтін мәселелерден басқа заң жобасында ақпараттық-коммуникациялық технологиялар мен байланысты дамыту бөлігінде түзетулер көзделген.

«Атап айтқанда, ұялы байланыс операторларына радиожиілікті спектрлерді бірлесіп пайдалану құқығын беру арқылы байланыс қызметтерінің сапасын арттыруға бағытталған нормалар көзделген. Бұдан бөлек, Министрлік радиоэлектронды құралдар мен жоғарыжиілікті құрылғыларды пайдалануға рұқсат алу процесін хабарлама тәртібіне ауыстыруды ұсынады», - деп атап өтті министр.

Д. Абаев хабарлағандай, ақпараттандыру саласында мемлекеттік ақпараттық жүйелерді жобалау, әзірлеу және сараптау процестері жетілдіріледі.

«Ақпараттандырудың сервистік моделі аясында МЖӘ жобаларын жоспарлау, іске асыру, мониторингілеу және бағалау тәртібін реттеу, сондай-ақ мемлекеттік міндеттемелерді қабылдау арқылы өнім берушілер үшін кепілдіктерді қамтамасыз ету механизмдері көзделеді. Сондай-ақ шетелдік операторлармен трафик алмасуды жүзеге асыратын байланыс операторларының қызметін мемлекеттік реттеу мен бақылауды жетілдіру жоспарлануда», - деп атап өтті ведомство басшысы.

Еске сала кетейік, заң жобасын таныстыру барысында министр журналистің қандай да бір адамнан оның суретін жариялауға рұқсатын алуы жайында да айтып өткен болатын.

Ақбота Күзекбай

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды