• Басты
  • Қазақстан мен Мажарстанның сыртқы саяси ведомстволарының басшылары Астанада келіссөздер өткізді
26 Маусым, 2017 15:58

Қазақстан мен Мажарстанның сыртқы саяси ведомстволарының басшылары Астанада келіссөздер өткізді

Қазақстанның сыртқы істер министрі Қайрат Әбдірахманов Астанаға ресми сапармен келген Мажарстанның сыртқы экономикалық және сыртқы істер министрі Петер Сийяртомен келіссөздер жүргізді.

Қазақстан мен Мажарстанның сыртқы саяси ведомстволарының басшылары Астанада келіссөздер өткізді | Strategy2050.kz

ҚР СІМ хабарлағандай, тараптар екіжақты ынтымақтастық пен халықаралық күн тәртібінің өзекті мәселелерін талқылады, саяси және сауда-экономикалық әріптестікті тереңдетуге деген өзара қызығушылығын растады.

Қазақстан Мажарстанға Орталық және Шығыс Еуропадағы сенімді әріптес ретінде қарайды.

«Біздің мүдделеріміздің негізгі байланысу нүктелері ауыл шаруашылығы, энергетика, денсаулық сақтау, екі елдің көлік-логистикалық әлеуетін пайдалану, туризм, құрылыс және инновациялар болып табылады», – деп атап өтті Қ. Әбдірахманов.

Сондай-ақ Қазақстан-Мажарастан ынтымақтастығының басым бағыты білім саласы болып табылады. Мажарстан елдің жоғары оқу орындарында білім алу үшін қазақстандық студенттерге бөлінетін гранттар санын 45-тен 200-ге дейін көбейтті.

П. Сийярто Мажарстан Қазақстанға өңірдегі тұрақтылықтың күшті факторы ретінде қарайтынын мәлім етті.

«1 шілдеде Мажарстан Чехия, Словакия және Польша кіретін Орталық Еуропа елдерінің тобына төрағалық етуін бастайды, біз қазіргі уақытта қарқынды өсіп, дамып келе жатқан Орталық Азиямен тығыз ынтымақтастық жасауға үміт артамыз», – деп атап өтті Мажарстанның сыртқы саяси ведомствосының басшысы.

Министрлер сауда-экономикалық және инвестициялық салаларда, соның ішінде Экономикалық ынтымақтастық жөніндегі Қазақстан-Мажарстан үкіметаралық комиссиясы, Қазақстан-Мажарстан іскерлік кеңесі және Астанадағы «Мажарстан сауда үйі» желісі бойынша ынтымақтастықты белсенді арттыруға өзара мүдделі екенін білдірді. Көлемі 40 млн долларды құрайтын Қазақстан-Мажарстан тікелей инвестициялар ауыл шаруашылығы қорының қаражаты есебінен жобаларды іске асыру перспективалы болып табылады.

Тараптар келіссөздер барысында биылғы жылдың 8 маусымында Астана мен Будапешт арасындағы тікелей әуе қатынасының ашылу маңыздылығын атап өтті.

«Осы оқиға екі ел үкіметтерінің көп жылдық еңбегінің арқасында өтіп, Қазақстан мен Мажарстан арасындағы дипломатиялық қарым-қатынастардың орнауының 25 жылдық мерейтойына орайластырылған», – деді Қ. Әбдірахманов.

Рейстің ашылуы екіжақты іскерлік және ізгілік қарым-қатынастардың дамуына ықпал ететін болады.

Қазақстанның сыртқы саяси ведомствосының басшысы сондай-ақ Мажарстанның «ЭКСПО-2017» көрмесіне белсенді қатысуына ризашылық білдіріп, көрме инфрақұрылымының базасында құрылып жатқан «Астана» халықаралық қаржы орталығы жайында айтып берді. 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды