АДБ және «ҚазАгро» ынтымақтастық мәселесін талқылады
Кездесу АДБ Вице-президенті Дивакар Гупты және «ҚазАгро» холдингі Басқарма төрағасы Нұрлыбек Малеловтің қатысуымен өтті.
Тараптардың негізгі талдаған тақырыбы республиканың ауыл шаруашылығын дамытумен және саладағы жобаларды қаржыландырумен байланысты өзекті мәселелердің кеңейтілген спектрі болды.
Атап айтқанда, әңгіме мынадай бастамалар туралы болды: «ҚазАгромен» қорландыру арқылы АӨК саласындағы жобалар бойынша жеке секторды қаржыландыру; АДБ және «ҚазАгроның» ауылдық жерлердегі кәсіпкерлікті қолдау және дамыту бағдарламаларын бірлесіп әзірлеуі, ол қаржыландыру әдіснамасын, тәуекелдерді бағалау жүйесін және қаржыландыру құрылымын және ақша жеткізу каналдарын кеңейту үшін жеке қаржы ұйымдары арқылы аталған әдіснаманы енгізуді болжайды; елдің азық-түлік белдеуін дамыту және ауылшаруашылық тауар өндірушілерінің маркетингтік мүмкіншіліктерін кеңейту мақсатында ірі инвестициялық жобаларды және инфрақұрылымдарды бірлесіп қаржыландыру.
Бұдан басқа, Азия даму банкісінің және «ҚазАгро» ұлттық холдингінің өкілдері республиканың аграрлық саласындағы жеке шағын несие ұйымдары мен несие серіктестіктерінің мүмкіндігін күшейтуд талқылады, сондай-ақ бәсекелес ортаға берілетін Холдингтің еншілес ұйымдарының бірқатарын жекешелендіру жөніндегі ынтымақтастықтың келешегін қарастырды.
«ҚазАгро» холдингінің басшысы Н. Малелов атап өткендей, Азия Даму Банкімен ынтымақтастық ағымдағы кезде аса белсенді сатыда, осы ретте АДБ Қазақстанның экономикасының АӨК өоса алғандағы салаларының ағымдағы жағдайын талдаумен байланысты процеске жоғары тартымдылығымен, және жобаларды қарастырудың және қаржыландыру мүмкіндігіне икемді тәсілімен ерекшеленеді.
Кездесу барысында АДБ делегациясы Холдингтің еншілес компанияларын жекешелендіру мәселелері бойынша, суару каналдарын оңалту және республикада сауда-логистикалық орталықтар құру жобаларын егжей-тегжейлі талдауды және көмектесуді ұсынды. Бұдан басқа, банк техникалық қолдау ретінде «ҚазАгро» холдингімен әзірленген шағын несиелеу ұйымдарын қорландырудың жаңа модульдік жүйесін қарастырады, бұл олардың тиімділігін жоғарылатуға мүмкіндік береді.
