Қарағанды кәсіпорындары 2278 бос жұмыс орнын ұсынып отыр

Облыс әкімдігінің баспасөз қызметі хабарлағандай,  жәрмеңкеге Қарағанды қаласындағы түрлі меншік нысанындағы кәсіпорындар мен ұйымдар қатысты.

Бүгінде Қарағанды қаласындағы 472 кәсіпорындар мен ұйымдар 2278 бос орын ұсынып отыр, жәрмеңкеге 92 кәсіпорын қатысты. Бүгінгі жәрмеңкеге мектептер көптен келген екен, оларға орыс тілі мен әдебиеті пәнінің мұғалімдері жетіспеуде. 

Жәрмеңкеде жұмыс іздеушілерге төмендегідей мамандықтар бойынша бос жұмыс орындары ұсынылды: инженер, логист, менеджер, есепші, сарапшы-бағалаушы, дәрігер, аудармашы, тігінші, слесарь, жүк тасушы, күзетші, токарь және тағы басқалар.

Мемлекеттік қызмет істері және сыбайлас жемқорлыққа қарсы іс қимыл агенттігінің Қарағанды облысы бойынша департаменті жергілікті атқару органдарына 245 бос лауазымдар ұсынды. 

Бүгінгі жәрмеңкеге жұмыс іздеп жүрген 1052 адам қатысты, олардың 205 жұмысқа орналасты, 255-і өз түйіндемелерін қалдырып кетті, 206 адам 2017-2021 жылдарға арналған халықты жұмыспен қамту және жаппай кәсіпкерлікті дамыту бағдарламасы бойынша кеңестер алды.