Strategy2050.kz порталы пікірталас алаңына шақырады

Пікірталас клубы  алаңында  экономика, саясат және әлеуметтік саланың  жетекші сарапшылары маңызды мәселелерді талқылап, өз пікірлерін қорғайды. Атап өтсек, бұл жоба бойынша онлайн-хабар таратылады,  ал оқырмандар  Strategy2050.kz  порталы  мен  «Астана радиосының»  сайтында пікірталасты онлайн бақылай алады. Айта кетейік, «Астана радиосы»  пікірталас үшін порталға алаң ұсынып отыр. Осылайша, студияға арнайы шақырылған 4-5 спикер пікір таластырады, 1 сағат бойы  олар тақырып бойынша оқырмандар мен  көрермендерге, тыңдармандарға  тақырыпты  түсіндіруге тырысады.

Портал болашақта осындай  үлгідегі пікірталасты  айына 2 рет,  2 тілде  1 сағаттан шығарып отырады.

«Елімізде мемлекеттік, салалық бағдарламалар көп. Олардың орындалуы Үкіметтің есепті кездесуінде кеңінен айтылады. Ал, БАҚ дереу олар туралы ақпаратты таратады, осымен жұмыс аяқталады.  Яғни, сол есеп тек Үкімет үшін есеп күйінде қалады. Жалпы, бұл есептерді жинастырып, халыққа түсінікті тілде жеткізу керек. Strategy2050.kz ақпараттық-сараптамалық порталының Пікірталас клубы осы тұрғыда жұмыс істейді. Бұл бір тараптан меморгандардың есебі болса, екінші тараптан  жобаларды ақпараттық сүйемелдеу», - деп түсіндірді ұйымдастырушылар.

Алғашқы шығарылым Міндетті әлеуметтік медициналық сақтандыруды енгізуге арналып отыр. Сарапшылар тікелей эфирде МӘМС-тің маңызды мәселелерін талқылайды. 

Айта кетейік, Пікірталас клубының модераторы  -"Казконтент" АҚ Басқарма Төрағасы Евгений Кочетов.