Әуежайларда айыппұл төлейтін терминалдар орнатылады

22 Маусым, 2017 08:46

Астана, Алматы және Қарағанды қалалары әуежайларында алғаш рет Қазпоштаның терминалдары өз жұмыстарын бастады.

«Аталмыш клиентке бағдарланған сервис Бас прокуратураның бастамасынмен Әділет министрлігі, ҰҚК, «Қазпошта» АҚ және Жеке сот орындаушыларының республикалық палатасымен бірлесе жүзеге асып отыр.Бұған дейін шетелге ұшуды жоспарлаған қазақстандықтар өтелмеген айыппұлдарына байланысты рейстерінен қалдырылатын, ал осы сервис арқасында азаматтарда жеке сот орындаушыларымен байланыс жасамай, сол жерде айыппұл бойынша қарызын тексеріп, болған жағдайда оны төлеп және автоматты түрде ел шекарасынан шығуға рұқсат алу мүмкіндігі туды», - деп хабарлады Бас прокуратура.

Автоматты шекарадан шығуға шектеуді жою 2015 жылдың 1 маусымынан кейін қойылған шектеулерге ғана әрекет етеді. Көрсетілген мерзімге дейін шектеуді жою бұрыңғы тәртіп бойынша жүргізіледі (сот орындаушысына айыппұлдардың өтелгендігін растайтын құжаттар беру).

Терминалдар Әділет министрлігінің дерекқорына біріктірілген. Борыштың өтелгендігі туралы ақпарат осы ведомствоның дерекқорына 15 минут ішінде беріледі және ел шекарасынан шығуға шектеу 30 минут көлемінде алынып тасталады.

Сонымен қатар www.post.kz сайтында және мобильдік қосымша арқылы тәулік бойы борышты тексеру мен карточка арқылы төлеуге қолжетімділігін қамтамасыз ету бағытында жасалған.

Дәл осы сервис жеке, заңды тұлғалар мен мемлекет пайдасына борыштарды (айыппұлдар, мемлекеттік баждар, өсімдер және т.б.) өндіруге мүмкіндік береді. Мерзімді төлемдер бойынша борыштарға (алименттер, зейнетақылар мен жәрдемақылар) терминал арқылы төлеу жүргізілмейді.

Терминал арқылы төленетін айыппұл көлемінің максималды сомасы 2 млн. теңгеге дейін. Терминал арқылы өтемдерге комиссия борыш сомасының 1%, бірақ әрбір төлем үшін 100 теңгеден кем емес. Егер борыш көлемі 2 млн. теңге немесе одан жоғары болса, азамат Қазпоштаның кез келген бөлімдерінде төлем жүргізе алады.

Азаматтар ЖСН пайдалана отырып, борыштары мен пен уақытша ҚР шекарасынан шығуға шектеулер жөнінде ақпаратты Қазпошта терминалдары, сондай-ақ www.adilet.gov.kz сайтында және post.kz порталы арқылы тексере алады.

Жақын арада осындай терминалдар Ақтау мен Шымкент қалаларында іске қосылатынын атап өткен жөн.