Шығыс Қазақстан облысында жаңа аурухана ашылды
26 Желтоқсан, 2013 16:42
Семейде жедел жәрдем көмегінің жаңа ауруханасы ашылды, деп ШҚО ақпараттық орталығы хабарлады.
«Жаңа медициналық мекеме «100 мектеп, 100 аурухана» бағдарламасы бойынша салынды. Жобаның жүзеге асуына 10 млрд теңге бөлінді», - деп аурухана дәрігері К. Мусин мәлімдеді.
Айта кетерлігі, стационарда орнатылған қондырғы құны 2,8 млрд теңгені құрайды. Аурухана 325 адамға шақыталған.
«Аурухана мен 13 млрд теңгенің онкологиялық диспансері орнатылғаннан кейін Семей тұрақты медициналық кластерге айналды. Бұл аймақта ядролық полигон орналасқандықтан медициналық көмек ерекше бағаланады», - деді облыс әкімі Б. Сапарбеав.
