Мемлекет басшысы Самұрық-Қазына» акционерлік қоғамының тәуелсіз директорымен кездесті
20 Маусым, 2017 18:47
Мемлекет басшысы «Самұрық-Қазына» акционерлік қоғамы директорлар кеңесінің мүшесі, тәуелсіз директор Ричард Эванспен кездесті, деп хабарлады Ақорданың баспасөз қызметі.
Кездесуде Қазақстан Президентіне «Самұрық-Қазына» акционерлік қоғамының қазіргі жағдайы жөнінде мәлімет ұсынылып, холдингті трансформациялау барысы туралы есеп берілді.
Тараптар акционерлік қоғамды одан әрі дамыту перспективалары мен оның тиімділігін арттыру мәселелері жөнінде пікір алмасты.
Сонымен қатар, Нұрсұлтан Назарбаев пен Ричард Эванс Қазақстанның көлік-логистика саласының өзекті мәселелерін және Астананың өңірлік көліктік хаб ретінде қалыптасу мүмкіндіктерін талқылады.
Еліміздің экономикалық даму үдерісіндегі өскелең ұрпақтың рөлін арттыру мәселелері де қаралды.
