ЭКСПО-2017 көрмесінің қытайлық павильонында Цзянсу провинциясы таныстырылмақ

20 Маусым, 2017 17:43

Қытай павильонында Цзянсу провинциясы аптасының салтанатты ашылуы өтті. Осы күні Қазақстанның және ҚХР Цзянсу провинциясының іскерлік топ өкілдерінің қатысуымен өтетін Қазақстан-Қытай бизнес-форумы маңызды іс-шараға айналды.

Форум жұмысына 250 делегат қатысты. Соның ішінде провинцияның іскерлік және саяси элитасынан 80 қатысушы: Цзянсу вице-губернаторы Чэнь Чжэньнин, ең ірі энергетикалық және агроөнеркәсіптік кәсіпорындарының басшылары, сондай-ақ Қытайдың Қазақстандағы елшісі Чжан Ханхуэя қатысты.

Форум Қытайлық компаниялармен тиімді жұмысты реттеуге арналған іскерлік алаң болып табылады. Оның аясында қатысушылар Қазақстан-Қытай саудасының экспорты мен импорты көшбасшыларының стратегиялары туралы біліп, жаңа технологиялармен танысты.

«Цзянсу провинциясы Қытай экономикасында маңызды рөл атқарады. Себебі Цзянсу Аспан асты елінің барлық 23 провинциясы арасында ЖІӨ деңгейі бойынша 2-ші орын алады. Сондықтан біздің Инвестициялық агенттігіміз Астана қаласының «Атамекен» өңірлік кәсіпкерлер палатасының белсенді жәрдемдесуімен екі елдің сауда-экономикалық қатынастарын дамыту аясында ЭКСПО-2017 көрмесінде Цзянсу аптасына баса назар аударады», - деді «Қазақстандық инвестициялық ынтымақтастық агенттігінің» бас директоры және форумды ұйымдастырушы Айдын Байедилов.

Цзянсу вице-губернаторы Чэнь Чжэньнин ЭКСПО-2017 көрмесі Қытайдың «Бір белдеу – Бір жол» стратегиясы мен Қазақстанның «Нұрлы жол» мемлекеттік бағдарламасының идеяларын дамыту үшін жақсы тұғырнама болып табылатынын айтты.

Сондай-ақ іс-шарада Қытайдың ежелгі театр өнерінің әртістері өнер көрсетті. «Цзянсу — өнімдер энергиясы» арнайы көрмесінің таныстырылымы ұйымдастырылды, енді оны Астанадағы ЭКСПО-2017 көрмесінің барлық ниет білдіруші қонақтары көре алады.

Қайрат Жандыбаев

Фото: Қазақстандық инвестициялық ынтымақтастық агенттігінің баспасөз қызметі