- Басты
- Қазақстан мен Финляндия басшылары ЭКСПО-ға барды
Қазақстан мен Финляндия басшылары ЭКСПО-ға барды

Екі елдің президенттері Финляндияның ұлттық павильонындағы экспозициялармен танысып, «Нұр Әлем» кешенінде орналасқан Қазақстанның көрме павильонын аралап көрді.
Сондай-ақ, мемлекеттер басшылары көрме кешенінің Конгресс-орталығында екіжақты келіссөз жүргізді.
Нұрсұлтан Назарбаев С.Ниинистёге елімізге сапармен келіп, Финляндия павильонын ашуға қатысқаны үшін алғыс айтып, екі ел арасындағы қарым-қатынастың жоғары деңгейде екенін атап өтті.
« Біздің қарым-қатынасымыз – үлгі етуге тұрарлық. Біз бірнеше рет түрлі әлемдік басқосуларда жүздестік. Финляндия «ЭКСПО-2017» көрмесін өткізу орнын таңдап, сондай-ақ БҰҰ Қауіпсіздік кеңесінің тұрақты емес мүшесі мәртебесін алу кезінде бізге қолдау білдірді. Қазақстан да халықаралық аренада Финляндияны әрдайым қолдап келеді», – деді Мемлекет басшысы.
Қазақстан Президенті екіжақты байланыстарды дамытудың маңыздылығына тоқталып, өнеркәсіп, фармацевтика, ақпараттық технологиялар, білім және медицина сияқты салалардағы қарым-қатынасты нығайтуға мүдделі екенімізді айтты.
С.Ниинистё Нұрсұлтан Назарбаевқа кездесудің ұйымдастырылғаны үшін ризашылық білдіріп, Қазақстанның жаһандық және өңірлік өзекті мәселелерді шешудегі рөліне тоқталды.
«Сіздің екіжақты қарым-қатынас мәселелеріне ғана емес, сонымен бірге жаһандық проблемаларға қатысты пікіріңіз де мен үшін әрдайым маңызды. Қазір бүкіл әлем Қазақстанда өтіп жатқан келіссөздерге көз тігіп отыр. Бұл – Астанадағы Сирияға қатысты келіссөздер», – деді Финляндия Президенті.
С.Ниинистё Мемлекет басшысына ұлттық павильонмен танысқаны үшін алғыс айтып, Финляндияға сапармен келуге шақырды.
-
Қазақстан мен Қырғызстан президенттері баспасөз мәслихатын өткізді
-
Қазақстан мектептері аралас форматта оқуды бастады
-
Қазақстанның БҰҰ-ға мүше болғанына 29 жыл толды
-
Қазақстан экономикалық еркіндік рейтингінде 39-орынды иеленді
-
Азық-түлік қауіпсіздігі: Тұрақтандыру қорлары мен бағаны тұрақтандыру шаралары
-
Қазақстанда «Шын Жүректен» атты алғыс білдіру сайты іске қосылды
-
Елордада мұғалімдер мен полицейлер коронавирусқа қарсы вакцина ала бастады
-
Елордада «Жамбылмен бірге жырлайық» шығармашылық байқауы қорытындыланды
-
Бас прокуратура: Демонстрациялар мен шерулер келісу тәртібімен өткізіледі
-
Жердің шетелдіктерге сатылмауы мен жалға да берілмеуі – халық күтіп отырған ең басты мәселе. Сарапшылар пікірі
-
COVID-19: Британиялық оқушылар жазда сабақ оқуы мүмкін, ал Чехия, Финляндия елдері ТЖ режимін ұзартпақ
-
Қазақстан бірқатар мемлекетке рейстер санын арттырмақ
-
Ұлттық қоғамдық сенім кеңесі: Мемлекет басшысы көтерген өзекті мәселелер мен жаңа ұсыныстар
-
Қазақстандағы эпидахуал: ауру жұқтырғандар көрсеткіші, вакцинациялау науқаны, бизнеске арналған мобильді қосымша
-
Дін көшбасшыларының тұрақты әлем дамуына қол жеткізудегі рөлі қандай

