Этникалық масс-медиа журналистері өз аудиториясымен шектелмеуі керек – Д.Мыңбай

«Этникалық масс-медиа журналистері өз басылымдары мен аудиториясымен шектеліп жатады. Олар осы мәселелер бойынша өзара қарым-қатынасты орнату үшін   Орталық БАҚ-тың парақшалары мен  эфирлеріне қатысуы керек», - деді төрағаның орынбасары.

Д.Мыңбай  Ақпарат және коммуникация министрлігін  осы мәселеге жәрдемдесуін сұрады.

Өз кезегінде, Қазақстан халқы Ассамблеясы төрағасының  орынбасары Дархан Мыңбай отандық журналистерді  мұрағат құжаттарымен жұмыс істеуге шақырды.

«Жеке этникалық БАҚ жалпыұлттық тақырыптарды  насихаттауға қызығушылық танытпайды. Мәселен,  31 мамырда саяси қуғын-сүргінге ұшырағандарды ескі алу  күнінде  БАҚ айтарлықтай белсенді болған жоқ. ҚХА ұранымен «Әскери болашақ естелігі»  акциясы өтті. Бұл орайда көптеген этностар өз тарихымен бөлісулері керек. Журналистердің барлығы мұрағатпен тиімді жұмыс істей алмайды.  Жақында Беларусь Президенті  А.Лукашенко Елбасымызға  сол кезге қатысты материалдарды табыстады», - деді Д.Мыңбай.

Сондай-ақ, Дархан Мыңбай журналистерді  «Қазақстанның  100 жаңа тұлғасы» жобасы аясында белсенді жұмыс істеуге шақырды.

 Отырыс соңында  этникааралық келісім  тақырыбында қалам тербеген  журналистерге  ҚХА Журналистер клубының атынан   алғыс хаттар мен  бағалы сыйлықтар табыс етілді.

Айта кетейік,  Клуб  ҚР Президентінің  тапсырмасы бойынша құрылды,  ҚХА  жанындағы тұрақты консультативтік-сарапшылық  алаң болып табылады.

Клуб алдыңғы қатарлы бұқаралық  ақпарат құралдарын, этно-мәдени  ұйымдар мен блогерлерді біріктіріп отыр. Айта кетейік,  клубтың жаңа құрамы бекітілді, бүгінгі таңда олардың саны 40-ты құрап отыр.

Ақбота Күзекбай