Жаздың ыстығына байланысты ЭКСПО медициналық пунктіне 714 өтініш келіп түскен

19 Маусым, 2017 20:53

Есепті кезең ішінде көрме аумағында 714 медициналық өтініш келіп түскен. Көпшілігі ыстық өтуге байланысты. Бұл туралы ЭКСПО көрмесінің сервистік қамтамасыз ету департаментінің директоры Дияс Азбергенов ЭКСПО медиа-орталығының баспасөз конференциясында хабарлады.

«Біз оны жаздың өткен аптада болған ыстығымен байланыстырып отырмыз. Қоғамның байланыс орталығына (1440 немесе 8 800 080 2017) 3667 өтініш келіп түсті, олардың басым көпшілігі билет сатумен, аумаққа кірумен және мәдени-ойын-сауық бағдарламасымен байланысты», - деп ақпараттандырды Д. Азбергенов.

Сондай-ақ ЭКСПО көрмесінің қауіпсіздік департаментінің директоры Рустем Чакенов қандай да бір күрделі құқық бұзушылықтардың болмағанын, әр түрлі жағдайлар бойынша 90-ға жуық оқиға тіркелгенін хабарлады.

«Олардың негізгілері – басқа біреулердің аккредиттеу карталары бойынша кіру әрекеттері, көлік тұрақтарындағы ұсақ ЖКО, заттарды иесіз қалдыру және т.б. Аумақта пилотсыз ұшу аппараттарын, дрондарды және басқаларын пайдаланбау туралы өтініш білдіреміз. Бұл аппараттарды пайдалану үшін арнайы рұқсат қажет», - деп қосты Р.Чакенов.

Қайрат Жандыбаев

Барлық жаңалықтар