ЭКСПО аймағында 7 медициналық пункт жұмыс істейді

Оның  мәліметі бойынша,  ЭКСПО ашылғалы бері  медициналық көмекке  800 адам  жүгінген, оның  ішінде  120 азамат шетелдік. Басым бөлігі әртүрлі жарақат пен қан айналымының  жүйесі ауруларына қатысты көрінген екен. Жағдайы ауыр науқастар тіркелмеді.

«ЭКСПО аймағында  медициналық көмек көрсетуді «Медикер» компаниясы жүзеге асырып жатыр. Көрме алаңында  7 медициналық пункт жұмыс істейді. Сондай-ақ, тәулік бойы медициналық  орталық та қызмет көрсетуге дайын. Барлығы дәрі-дәрмектермен толық қамтылған», - деді спикер.

Жедел жәрдемді 85 жоғары мамандандырылған бригада көрсетеді.

«20 бригаданың қызметкерлері ағылшын тілін жетік меңгерген, ЭКСПО алаңында қызмет ету сертификатына ие.  1 мамырдан бастап диспетчер орталығында «103» номері арқылы ағылшын, неміс, түрік және қытай тілдерін білетіндер жұмыс істейді», - деді ол.