Биыл салықтық тексеріс қысқартылады – Қаржы министрлігі

19 Маусым, 2017 11:38
Салық түсімдерін көтеру мақсатында биыл салықтық тексеріс 37,5 пайызға қысқартылады, деп мәлімдеді Қаржы министрі Бақыт Сұлтанов Парламент палаталарының отырысында.

Б.Сұлтанов айтып өткендей,  Салық кодексінің жаңа  жобасында   тексеріске негіз болатын  56 пайыз норманы алып тастау қарастырылып отыр. Қорытындысында,  32 –нің орнына  14 норма қалады.

«Аталмыш жұмыстың нәтижелілігі  үшін біз  бизнеске қолайлы жағдай туғызуымыз керек. Кіріссіз  шығын болмайды деген түсінік бар.  Сондықтан да  салықтық түсімдерді  арттыру  салықтық тексерістерді азайту  негізінде орын алады. Мәселен, биыл  ол 37,5 пайызға қысқартылады.  Салықтық тексерістерде сенім ұстанымына  негізделген әдістер мен  ынтымақтастықтың  өзара байланысы, көкжиектік мониторинг болады. Салықтық әкімшілендіруді одан әрі ақпараттандыру  салықтық тексерісті азайтуға жұмыс істейді», - деді министр.

Сондай-ақ, министрліктің маңызды  мәселелерінің бірі   тиімсіз салықтық пұрсаттылық  санын қысқарту болып табылады.

«Белгілі болғандай, аталмыш жеңілдіктер   бизнесте  салықты қысқарту үшін қолданылады. Осы орайда,  НҚС, ККС жергілікті салық  бойынша жеңілдіктері қарастырылады.  Заңнаманы гуманизациялау  аясында  «Әкімшілік құқық бұзушылық туралы» Кодекске сәйкесінше өзгертулер енгізу қарастырылған. Ең басты мәселе – әкімшілік айыппұлдар көлемін азайту және жазалаудың орнына  ескерту институтын толық  қолдану», - деді ведомство басшысы.

Жалпы,  2016 жылғы  бюджетті орындау  кәсіпкерлікті ынталандыру мен  жұмыс орнын құруға бағытталған. Экономика өсімі  1 пайызды құрады.  Бюджет кірісі  7,7 трлн теңгені құрады.  Бұл 2015 жылдың көрсеткішімен салыстырғанда  1,5 трлн теңгені құрап отыр.

Ақбота Күзекбай

Барлық жаңалықтар