Ақмола облысындағы медицина қалай дамып жатыр

Денсаулық сақтау  саласын дамытуға қосқан үлестері үшін  өңір басшысы  медицина ұйымдарының  қызметкерлеріне  ведомстволық наградалар мен алғыс қағаздарын үлестірді. Сондай-ақ, шара аясында  облыс әкімі  заманауи қондырғылармен жабдықталған  6 реанимобильдің кілтін табыстады.

«Елбасы Нұрсұлтан Назарбаев  қазақстандықтардың денсаулығын қорғауға  елдің стратегиялық  мақсаттарға жетудің маңызды бөлігі ретінде қарауды айтқан болатын. Денсаулық сақтау жүйесінің басты мақсаты  сапалы әрі қолжетімді медицина қызметін ұсыну. Кез келген елдің басты құндылығы  ол-адам, тұрақтылық пен гүлденудің кепілі», - деді әкім.

Айта кетейік, Ақмола облысында  денсаулық сақтау саласын жаңғыртуға  үлкен көңіл бөлінуде. Соңғы жылдары  емдеу-сауықтыру мекемелерінің  қондырғылары толық өзгертілді,  алдыңғы қатарлы медициналық технологиялар енгізілуде. Бұл жұмыстың көрсеткіші ретінде   демографиялық жағдай айтарлықтай жақсарғанын айтуға болады.

Соңғы жеті жылдың өзінде  1000 дана медициналық  техника, 150 бірлік санитарлық автокөлік пен реаномобиль  сатып алынып,  28 нысанға күрделі жөндеу жүргізілді.

Биылғы жылы  облыстық бюджеттен  Бурабай ауданының Кенесары елді мекенінде  ауысымына  25 адамды  қамтитын   дәрігерлік амбулатория құрылысына   107,3 млн теңге бөлінді.

Биылғы жылы  9 нысанға  1,1 млрд теңгенің күрделі  жөндеуін жүргізу қарастырылған.

Айта кетейік, өткен жылы  облысқа  359 медицина қызметкері келді, оның ішінде  70 дәрігер мен  289 медициналық қызметкер бар. 74 медициналық қызметкерге  баспана берілді,  34 жас маманға  100,6 млн теңге көлемінде   баспана алу үшін несие берілді.