Астанадағы жұмыссыздық І тоқсанда 4,6%-ды құрады
16 Маусым, 2017 14:59
Елорда жұмыссыздық көрсеткіші бойынша ең төмен деңгейде болып отыр, аталмыш көрсеткіш республикалық көрсеткіштен 0,3% пунктіге аз, деп хабарлады Elorda.info.
Елордада жыл басынан бастап жұмыспен қамтудың орталықтарына 6870 адам барған, 3895 азаматқа әлеуметтік көмек көрсетілді. 2,5 мың адам жұмыспен қамту орталықтарының нәтижесінде жұмыс тапты, оның 125-і әлеуметтік жұмыс орындарына және 363 түлек жастар саясаты бойынша жұмыс істеуде.
Айта кетерлігі, Астанада халықты жұмыспен қамту кешендік жоспары аясында бірінші жарты жылдықта мемлекеттік қолдау шараларымен 9015 адам қамтылды.
