Оралда болашақ чемпиондарға интернат салынады

«2004 жылы ашылған спорттық бағыттағы аталмыш білім ұясының қазіргі ғимараты Орал қаласының жөндеу зауыты ауданында орналасқан. Оған қоныстанғанына да он жылдан астам уақыт өткен. 1964 жылы балабақша ретінде салынған ғимараттың тозығы жеткен. Ғимарттың тарлығы оқу-жаттығу процестеріне де кері әсерін тигізуде», - деп хабарлады Батыс Қазақстан облысының әкімдігі.

Мұнда 236 бала оқып-тәрбиеленуде. Оның жартысынан астамы аудан-ауылдардан келгендер. Оқушылардың бәрі бірдей сыймауына байланысты инернатта 100 бала жатады, оның 30-ы қыз, қалғаны ер бала.

Интернаттың өзі негізінен 80 орындық. Бірақ тәрбиеленушілердің әлеуметтік-отбасылық жағдайларын, шалғай елді мекендерден келгендерін ескеріп, интернаттан орын береміз.

«Олимпиадалық ойындарға резервтер дайындайтын осындай оқу орнының облысымызда болғандығы қуантады. Бұл жерден түлеп ұшқандар қазіргі таңда облыс, ел намысын қорғап жүр. Ертең олардың орнын қазіргі шәкірттер басады. Егер біз облысымыздан чемпиондардың көптеп шыққанын қаласақ, спортшыларға қажет жағдай туғызуымыз керек», - деді Алтай Көлгінов.

Аймақ басшысы  Оралда 300 орындық жаңа интернат пайда болатынын айтты.