БАӘ елшісі астаналық оқушылардың мектеп бітіру кешіне қатысты

Біріккен Араб Әмірліктерінің Қазақстан Республикасындағы елшісі Мохаммад Ахмад Альджабер өткен жылы Қазақстанның елордасы Астана қаласында Халифа бен Заид Аль Нахаян атындағы қор салған №84 орта мектептің алғашқы түлектерінің кешіне қатысты. 

«Халифа бен Заид Аль Нахаян атындағы қор салған мектептің алғашқы түлектерінің бүгінгі шығарылымы арқылы Біріккен Араб Әмірліктері Қазақстан Республикасындағы жаңа болашақ ұрпақтың дамуы мен адами әлеуетті өсіру процесіне қатысып отыр. Біз білім мемлекеттің тұрақты дамуының маңызды негіздерінің бірі болып табылатынына сенеміз. Мектеп бітіріп, өмірдің жаңа кезеңіне аяқ басқалы жатқан түлектер мен олардың туыстарының қуаныштарына ортақпыз», - деді Мохаммад Ахмад Альджабер.

Сондай-ақ, елші БАӘ мен Қазақстанның бауырластық әрі достық қарым-қатынастарының беріктігі мен тереңдігіне де назар аударды.