Қаржы министрі АДБ Вице-Президентімен кездесті

14 Маусым, 2017 20:03

Қазақстан Республикасының Қаржы министрі Бақыт Сұлтановтың Азия Даму Банкінің (АДБ) Вице-Президенті Венчай Жангпен кездесуі өтті, деп хабарлады ведомствоның баспасөз қызметі.

Кездесу барысында Тараптар АДБ мен Қазақстан Республикасы арасындағы одан әрі ынтымақтастық мәселелері мен 2017-2021 жылдарға арналған Банктің біздің елімізбен жаңа Елдік әріптестік стратегиясын талқылады.

АДБ Вице-Президенті Венчай Жангтың айтуы бойынша, жаңа Елдік әріптестік стратегиясының шеңберінде дамыту ынтымақтастықтың басым бағыттары болып білім, денсаулық сақтау, транспорт, мемлекеттік-жекешелік әріптестікті дамыту, энергетика және қоршаған орта саласын жақсарту, ауыл шаруашылығы аймақтарын, қалалық инфрақұрылымды, шағын және ірі бизнесті дамыту анықталған.

"АДБ жаңа Елдік стратегиясының бағыттары «Қазақстанның Үшінші жаңғыруының» және Қазақстан Республикасының Үкіметі мен халықаралық қаржылық ұйымдар арасындағы әріптестік туралы негіздемелік келісімдерді іске асыру шеңберіндегі Қазақстанның дамуы бойынша ынтымақтастық бағдарламасының мақсаттарына сәйкес болуы қажет", - деді Б.Сұлтанов.

Кездесуді қорытындылай келе, екі тарап та Банк пен Қазақстан арасындағы одан әрі жемісті ынтымақтастыққа сенімдерін білдірді.