Биылдан бастап ІІМ қол радарларынан толық бас тартады

«Биылғы жылдан бастап біз жоспарлы түрде  ескірген қол радарларынан бас тартамыз. Олардың орнына полицияның көмегінсіз ережені бұзғандарды автоматты анықтайтын   радарлар алынады. Сондай-ақ, біздің стационарлық автоматты ережелерді тіркеу жүйесі  қазір жұмыс істеп жатыр», - деді Қалмұханбет Қасымов.

BNews.kz хабарлағандай, республика жолдарында  1700 бақылаудың стационарлық жүйесі бар, олар өткен жылы  900 мың жол көлік оқиғасының ереже бұзуларын анықтады.  Бюджетке  5 млрд теңге түсірді.

«Біз кезеңдеп жол қозғалысын байланыссыз бақылауға көшіп жатырмыз», - деді министр.

Қасымов  өткен жылдарда орын алған  жол-көліктік оқиғалар туралы айтып өтті.

«Соңғы жылдары қабылданған  шаралар ел жолдарындағы жағдайды жақсарта түсті. Өткен жылдағыдай да биыл  апаттық жағдай  саны қысқарды.  Егер 2016 жылды  2015 жылмен салыстыратын болсақ,  ЖКО саны  5 пайызға азайды, ал қаза болғандар саны  3 пайызға, жарақаттанғандар саны  2,9 пайызға қысқарды. Биыл жол-көлік оқиғаларының саны 15,8 пайызға қысқарды. Ал, қаза тапқандар саны 22 пайызға, жараланғандар саны  13 пайызға қысқарды.Бұл көрсеткіштерге   2014 жылы қабылданған «Жол қозғалысы туралы» заңның нәтижесінде  қол жеткізілді», - деді Қ.Қасымов.

Министр айтып өткендей, 2016 жылы  полиция  3,5 млн тәртіпбұзушылықтың алдын алып,  35 мың ішімдік ішкен жүргізушіні тұтқындады.

«Егер бұрындары патрульдік жұмысты 13 мың қызметкер атқарса, қазір олардың  саны 2200-ді құрап отыр», - деді Қ.Қасымов.