Грузия Президенті ЭКСПО-2017 павильонын аралады (ФОТО)

13 Маусым, 2017 18:43

Грузия Президенті Георгий Маргвелашвили ЭКСПО-2017 көрмесіндегі Грузияның ұлттық күніне қатысты және өз елінің павильонын аралады. Сонымен қатар, Грузияның ұлттық күні аясында қонақтар назарына мәдени бадарлама ұсынылды.

Грузия Президенті Георгий Маргвелашвили шараға қатысып, Грузияның павильонымен танысты және ЭКСПО2017-ге мемлекеттің дайындығын жоғары бағалады.

Өз кезегінде, Грузияның энергетика министрінің орынбасары Илья Элошвили салтанатты шараның ресми бөлімінде сөз сөйлей отырып, Грузияның ЭКСПО-2017 көрмесіне қатысуы жаңартылған энергия көзінің маңыздылығын және аталмыш елдің транзиттік әлеуетін баса атап өтті.

«Біз Батыс пен Шығыстың, Солтүстік пен Оңтүстік арасындағы көпірміз. Белгілі болғандай, елде өндірілетін энергияның 80%-дан астамы жаңартылатын болып табылады. Грузия Үкіметінің ЭКСПО-2017 көрмесіне қатысуының басты себептерінің бірі бұл екі ел арасындағы нәтижелі қарым-қатынас болып табылады. Олар энергетика және экономиканың өзгеде секторымен байланысты», - деді И. Элошвили.

ҚР инвестициялар мен даму министрі Жеңіс Қысамыбек атап өткендей, Грузияның көрмеге қатысуы екі ел арасындағы жоғары деңгейдегі және сенімділікке негізделген қарым-қатынасты дәлелдейді.

Ж. Қасымбектің хабарлауынша, 2020 жылға қарай Қазақстан экономиканың энерготиімділігін 25%-ға, ал 2050 жылға қарай 50%-ға төмендетуді көздеп отыр.

Грузия тарихы мен салт-дәстүрі өте бай мемлекет. Оның мәдени құндылықтары елдің айнасы іспетті. Грузия күндері аясында қонақтар мемлекеттің аңызға айналған орындаушылық шеберлігін тамашалай алды.

Сонымен, Ұлттық алаңның ашылуында танымал әншілер Нани Брегвадзе, Тамара Гвердцители, Эки Мамаладзе мен Тбилиси мемлекеттік оркестрі өнер көрсетті.