Нұрсұлтан Назарбаев Грузия Президентімен кездесті (ФОТО)

«Сіз дипломатиялық қарым-қатынасымызға 25-жыл толған айтулы кезде келіп отырсыз. Бізде ЭКСПО-2017 көрмесі өтіп жатыр. Біз сіздің келгеніңіз және қатысқаныңыз үшін ризамыз. Менің ойымша сіз жасалған үлкен шаруаны жоғары бағалайтын боласыз. Біздің арамыздағы қарым-қатынас әрқашан жақсы  болды. Біз алғашқы жылдары Грузияға қолдау көрсеттік және бүгінде сіздердің экономиканағы негізгі инвесторларыңызбыз. Мен байланысымызды одан ары нығайту үшін ешқандай кедергі көріп отырғаным жоқ және және сіздің сапарыңыз осы тұрғыда өте маңызды», - деді ҚР Президенті.

Өз кезегінде, Грузия Президенті Қазақстанға келгені үшін қуанышты және ол оның көптен бергі арманын екенін жеткізді.

«Бұл мен үшін үлкен құрмет – осында болу және бұл менің көптен бергі арманым.  Мен адамдардан Қазақстанның даму динамикасының ерекшелігі  туралы көптеп еститінмін және бүгінде оны өз көзіммен көріп отырмын. Сонымен қатар, біздің EXPO-2017 көрмесіне қатысуымыз өте маңызды. Біз экономикамызды, жетістігімізді достарымымызбен бөлісе аламыз және дәстүрлі көршілік достық қарым-қатынасымызға қолдау көрсете аламыз. Сонымен қатар, аймақтағы бағыт бойынша сіздердің жаһандық көзқарастарыңызбен таныса аламыз», - деп атап өтті Грузия Президенті.

Қайрат Жандыбаев

ФОТО: Бауыржан Жуасбаев