Грузия Қазақстанның ықыласы мен қолдауын бағалайды
13 Маусым, 2017 12:43
Грузия Президенті Георгий Маргвелашвили Ақордада ҚР Президенті Нұрсұлтан Назарбаевпен кездесті. Кездесуде ол грузин халқы Қазақстанның ықыласы мен қолдауын әркез сезіп жүретіндігін әрі бағалайтынын айтты.
«Біз грузин халқы Қазақстан тарапынан көрсетіліп жатқан сыйластық пен қолдау үшін алғыс білдіреміз», - деді Г. Маргвелашвили.
Ол айтып өткендей, Грузия экономикалар ынтымақтастығының тұжырымдамасына қатысып, байланыс жасауға мүмкіндік туғызып жатыр.
«Бұл бағыт бойынш сіздер өңірде маңызды рөл ойнайсыздар. Біздің ел алдымен осы бағыт бойынша дамыған болатын. Көп жылдардан бері бізге көрсетіп келе жатқан қолдауларыңыз үшін алғыс білдіреміз. Мен энергиямен тыныстап жатқан жаңа қалаға келгеніме дән ризамын. Шахар қарқынды дамып жатыр, көргенім мен көреріме тамсанып жүрмін», - деді Грузия Президенті.
Қайрат Жандыбаев
