Таразда өзбек өндірушілерінің жәрмеңкесін өткізу ұсынылды
13 Маусым, 2017 12:54
Жамбыл облысының әкімі Кәрім Көкірекбаев Таразда өзбекстандық тоқыма бұйымдары мен тұрмыстық техника өндірушілерінің жәрмеңкесін өткізуді ұсынды. Бұл туралы ол Жамбыл облысы делегациясының Өзбекстан Республикасының Джизак облысына жұмыс сапары аясында мәлімдеді.
«Мұнда тоқыма бұйымдары мен тұрмыстық техника сапалы өндіріледі, ал бағалары Жамбыл облысына қарағанда нарықтық бағалардан 25-30 пайызға төмен», делінген өңір әкімінің баспасөз қызметінің хабарламасында.
Бұдан бөлек, облыс әкімі Джизак өңірінің АЭА басшыларына бірлесіп жұмыс істеуді ұсынды. Сондай-ақ, осы кәсіпорында диодты шамдар, шыны мақта және аккумуляторлар өндірісі қажетті бағытқа қойылған.
«Біз Жамбыл облысында осы бағыттарда бірлесіп жұмыс істей аламыз. Әкімшілік мәселелерді шешеміз, тіпті бірлескен компания үшін ғимарат та береміз. Бастысы - жаңа жұмыс орындарын ашып, жұмысшылардың әлеуметтік қорғалуын қамтамасыз ету», - деп қорытындылады К.Көкірекбаев.
