Татарстан ЭКСПО көрмесінде адам энергиясы туралы айтып береді (ФОТО)

«Астана ЭКСПО-2017» ҰК» АҚ Басқарма Төрағасы Ахметжан Есімов пен Татарстан Президенті Рустам Минниханов  Ресей Федерациясының ЭКСПО-2017 көрмесіндегі татарлық экспозициясының ашылуына қатысты.

Өз сөзінде А.Есімов  Татарстанның Халықаралық мамандандырылған көрмесіне қатысуының маңыздылығын айтты.

«Татарстан – Ресей Федерациясы өңірінің инновациялық даму болашағы. Біз Татар Республикасының даму әлеуеті жоғарылап келе жатқанын байқап отырмыз. Ресейлік павильондағы  экспозициясында Татарстан  болашақтың  энергетикасын қолдану шешіміне бағытталған қызықты жобалар бар», - деді А.Есімов.

Өз кезегінде, Рустам Минниханов айтып өткендей, Татарстан Республикасы «ЭКСПО-2017-дегі Ресей» тақырыптық аптасының  бас серіктесі болып отыр. Татар экспозициясының басты тақырыбы: «Адам энергиясы – технологиялық дамыту кооперациясының халықаралық драйвері».

«Энергия мәселесі- өмірдегі басты мәселе, бұл жерде ең үздік технологиялар қойылған. Біз үшін Ресей павильоны аясында  Татарстан экспозициясының ашылуына қатысу үлкен мәртебе. Татарстан аталмыш алаңда алғаш таныстырылып отырған елдің бірі, Ресей павильонында Татарстан экспозициясының ашылуына қатысу біз үшін үлкен мәртебе», - деді Татарстан Президенті.

Фото: Бауыржан  Жуасбаев