Қарағанды облысында ауылдық ауруханалар қазіргі заманғы құрылғылармен жабдықталуда

Бейінді клиникалар жанынан ахуалды орталықтар желісі дамытылып жатыр. Осындай қызмет кардиохирургиялық орталығында жұмыс істей бастады. 1 қыркүйекке қарсы онкологиялық және туберкулез диспенсерлерінде осы секілді орталықтар ашу жоспарда тұр. Жобаның негізгі мақсаты – науқастардың жағдайын ауруханадан шыққан соң қадағалау және қажетті кеңестер беріп, көмек көрсету болып табылады. 

Ағымдағы жылы күзде Қарағандыда балалар нейро оңалту орталығы ашылады. Ақпараттық жүйелердің дамуы арқасында шалғай аудандардағы науқас балалар қашықтықтан жоғары білікті мамандардың кеңесін ала алады.

 «2017 жылы облыстық денсаулық сақтау саласына міндеттерді орындауға 66,3 млрд. теңге бөлінді. Өткен жылмен салыстырғанда ол 19%-ға көбірек.  Бүгінгі күні облысымыздың 22 медициналық ұйымдарында күрделі жөндеу жұмыстары басталды. Бұл бағытқа 2 млрд. теңгеден астам қаражат қарастырылған», - деді ол.

Аймағымыздағы денсаулық сақтау саласын дамыту инвесторлардың көмегімен де, мемлекеттік жеке меншік серіктестік бағыты бойынша жүзеге асырылып жатыр. 

«Биыл Қарағандыда «Луч» нейро оңалту орталығы ашылды. Онда науқастар инсульт, ми инфаркті және тағы да басқа жүйке дерттерінен соң ем алады. Көбісі бұл қызмет түрлерін тегін, мемлекеттік тапсырыс шеңберінде алады. Бұл бірегей жоба, біздің алғашқы тәжірибеміз. Ал күзде, шамамен қараша айына қарай Қарағанды балалар ауруханасы негізінде балалар нейро оңалту орталығын ашуды жоспарлап отырмыз. Ол үшін бос тұрған 1000 шаршы метр аумағы бар ғимаратты жеке меншік компанияға сенімділік басқаруына бердік», - деді Ержан Нұрлыбаев.