Астанада Халықаралық «жасыл технологиялар» орталығы құрылады

Энергетика министрлігі хабарлағандай,  министрлер декларациясында Қазақстанның ЭКСПО негізінде «Болашақ энергия» «жасыл» технологияларды және инвестициялық жобаларды дамыту бойынша  Халықаралық «жасыл технологиялар» орталығын ашу туралы шешімі көрсетілген.  

Министрлік декларациясының іске асырылу барысында ҚР Энергетика министрлігі БҰҰ агенттіктерімен бірлесіп (ЭСКАТО, БҰҰ ЕЭК, ЮНИДО, ЮНЕП, БҰҰДБ және т.б.) «Болашақ энергия» «жасыл» технологияларды және инвестициялық жобаларды дамыту бойынша Халықаралық «жасыл технологиялар» орталығын ашу туралы Бірлескен мәлімдемені қабылдады.

Халықаралық жасыл технологиялар орталығын құру жөніндегі бастаманы БҰҰ Бас Ассамблеясының 70-ші сессиясында Мемлекет басшысы Н.Ә. Назарбаев білдірді.

«Халықаралық «Жасыл технологиялар» орталығы энергетикалық сектордың трансформациясы, «жасыл» бизнестің қағидаларын ұстану, жасыл технологиялар және озық тәжірибелерді трансферттеу және биімдеу, жасыл қаржыны дамыту  міндеттерін шешуге бағытталған», - делінген хабарламада.

«Жасыл технологиялар» орталығының мақсаты – жасыл дамуды және жасыл көпірді қолдау арқылы жаһандық тұрақты дамуға үлесін қосу.

Халықаралық орталық қызметтің жеті негізгі бағытын қамтитын болады: энергетикалық секторды трансформациялау, қаланың тұрақты дамуы, «жасыл» бизнестің қағидаларын ұстану, жасыл технологиялар және озық тәжірибелерді трансферттеу және биімдеу, жасыл қаржыландыруды және жаңартылатын энергия көздерін дамыту, жасыл дамудың әлеуетін арттыру.

Орталықтың қызметі ең алдымен Орталық Азия (Қазақстан Республикасы, Өзбекстан Республикасы, Қырғызстан Республикасы, Тәжікстан Республикасы, Түрікменстан), Иран, Ауғанстан, Моңғолия және Әзірбайжан елдерінде тоғыстырылады.

Сонымен қатар орталық ЭЫДҰ-ның, Еуропалық одақтың индустриялық дамыған елдерімен, АҚШ, Ресей Федерациясы, Қытай, Үндістан және Латын Америкасы елдерімен ынтымақтастық орнатады.