ШҚО-да мәдени құндылықтар нысандарының Қызыл кітабы шығарылады (ФОТО)

12 Маусым, 2017 10:57

Шығыс Қазақстанда аймақтық қоғамдық сананы жаңғырту бағдарламасын жүзеге асыру аясында «Үлкен Алтай» музейін құру жоспарланған, деп хабарлады облыс әкімдігі.

Сонымен қатар, мәдени құндылықтар нысандарының Қызыл кітабы мен атлас шығарылады, онда өңірдің табиғи, тарихи және өзгеде артықшылықтары көрініс табады.

Бүгінде Шығыс Қазақстанда қоғамдық сананы жаңғырту бойныша 37 маңызды жоба анықталған. Облыс әкімі Даниал Ахметов бұл бастаманы қолдап отыр.

«Қызыл кітапта өңірдің мәдени құндылықтар нысандары туралы барлық ғылыми ақпараттар жинақталады. Бұл туристік бағытқа ерекше орындарды қосуға және ашық аспан астында мүзей құруға мүмкіндік береді», – деді Д.Ахметов.

ШҚО сарапшылары университеттер мен басқармалардан келіп түскен 154 ұсынысты сараптамадан өткізді. Олар тарихи мәдени, өлкетану, туристік, ақпараттақ бағыттағы 37 нысанды іріктеп алды.

Жұмыс тобының мүшелері аймақтың Мінәжат орындары картасын жасақтауда. Бүгінде оның құрамына Айбай ауданындағы Қоңыр-Әулие үңгірі, Шілікті аңғары, Берел қорғаны, Белуха тауы, Ырғызбай Досанұлы кесенесі енді. Қарта әлі тағы да толықтырылатын болады.

Барлық жаңалықтар