Қазақстан жасыл экономика аясында елдің ЖІӨ-сін арттырады
«2016 жылы біз климат бойынша Париж келісімн ратификациялай отырып парниктік газдың қалдығын төмендету міндетін қабылдаған болатынбыз. Қазіргі таңда Қазақстан экономикасында үшінші жаңғырту болып жатыр. Біз 2050 жылға қарай жасыл экономика аясындағы реформа бойынша Қазақстанның ЖІӨ-сін 3 пайызға арттырып, 500 жұмыс орнын құруды жоспарлап отырмыз. Энергия әрбір адам өміріндегі қызметтік құрам болып табылады. Қазір әлемдік экономика технологиялық инновациялар бойынша өзгеріп жатқанын көріп отырмыз. Ол сынақ пен мүмкіндікі қатар сыйлауда», - деді Премьер-Министр.
Б.Сағынтаевтың айтуынша, ағымдағы жағдайды талқылап қана қоймай, өзге елдердің Үкіметі мен халықаралық ұйымдар бірігіп энергеиканың тұрақты дамуын қамтамасыз ету бойынша жұмыс істеу керек.
«Қазақта «Не ексең, соны орасың» деген дана мақал бар. Бүгін жаһандық энергетикалық нарық үшін жаңа модельдер керек, ол әлемдік экономиканың дамуына серпін сыйлайды. Бұл дегенің экономикалық даму мен планетаның экожүйесін сақтап қалудың жолы. Біздің алдымызда тұрған жауапкершілік осы. Бүгінде халықаралық қауымдастық жаңа энергетикалық жүйені құрып, тұрақты энергетика саясатын енгізу мақсатын көздеп отыр», - деді Министрлер кабинетінің төрағасы.
Қазақстан тұрақты энергетиканы дамытудағы барлық халықаралық қауымдастықтар мен қызығушылық танытқан тараптарды қолдайды.
«Қазақстан жедел дамып жатқан ел ретінде тұрақты энергетиканы дамытудың ұзақмерзімді стратегиясын қолдайды. Осыдан он жыл бұрын Елбасы БҰҰ Бас Ассамблеясының сессиясында жаһандық энерго-экологиялық стратегияны әзірлеп, оны БҰҰ тұрақты даму саммитінде талқылауды ұсынған болатын. 2011 жылы БҰҰ сессиясында Нұрсұлтан Назарбаев жасыл көпір серіктестік бағдарламасын ұсынды, ол өңірдегі жасыл экономикалық өсімді қамтамасыз етуге бағытталған. 2012 жылы бұл бағдарламаны Рио-20 тұрақты даму жөніндегі БҰҰ саммитінде қолдады», - деді Б.Сағынтаев.
Айта кетейік, 2013 жылы Қазақстан жасыл экономикаға көшу туралы тұжырымдаманы қабылдады.
«Қазақстан БҰҰ мақсатына сәйкес энергетика саласындағы БҰҰ саясатын қолдайды. Бүгінгі конференцияның декларациясы ЭКСПО-2017 құндылықтар манифестіне енеді», - деді Б.Сағынтаев.
Ақбота Күзекбай
