• Басты
  • Цинь Шихуандидің Терракота әскері Астанада (ФОТО)

Цинь Шихуандидің Терракота әскері Астанада (ФОТО)

10 Маусым, 2017 11:34
Қазақстан Республикасы Ұлттық музейінде «EXPO-2017» халықаралық мамандандырылған көрмесі аясында Император Цинь Шихуандидің Терракота әскері көрмесінің ашылу салтанаты өтті.

Ұлттық музей хабарлағандай, көрменің мақсаты: келушілерді біздің эрамызға дейінгі 2010-2009 жылдары дайындалған және 1987 жылы ЮНЕСКО-ның Әлемдік мұралар тізіміне кіргізілген әлемдік өнер жауһары – Цинь династиясының терракота мүсіндерімен таныстыру.

«Терракота әскері» - Сиань қаласындағы Цинь Шихуанди императордың кесенесі жанындағы 8099 қытай жауынгерінің және олардың аттарының өлшемі сақталған мүсіндері қабірінің атауы.

 «Барша  қазақстандықтарды «Император Цинь Шихуандидің Терракота әскері көрмесінің» ашылуымен құттықтаймын. Екі ел арасындағы тиімді ынтымақтастықтың нәтижесінде пайда  болған бірегей  көрмеге куә болып отырмыз.Жауынгерлердің мүсіндері өнер туындысы болып табылады. Өйткені, олардың әрқайсысы жеке-жеке тәртіппен әртүрлі тәсілдерді қолдану арқылы қолдан жасалған. Әрбір жеке мүсіннің кескіні, тіпті бет келбеттері де қайталанбайды», - деді  ҚР Мәдениет және спорт министрлігінің жауапты хатшысы Қуатжан Уәлиев.

Көрмеге 50-ге жуық археологиялық бұйымдар қойылады. Бұлар: әскерлердің мүсіндері, қару-жарақтар, жабынқыштар, ыдыс-аяқтар, алтын және күміс әшекейлер.

 

Көрме 2017 жылдың 10 қыркүйегіне дейін жалғасады.

Барлық жаңалықтар