Ақмола облысында "Туған жер" бағдарламасы аясында екі жоба іске асырылмақ

«Родина» агрофирмасы" ЖШС басшысы Иван Сауэр өз қаражаты есебінен 90 млн теңгеге Зеленый Гай ауылында тұрмыстық корпусты мәдени-сауықтыру кешен етіп қайта құруды, "Родина" ауылында күндізгі стационар құрылысын және дәрігерлік амбулатория ғимаратын күрделі жөндеуді жүргізіп, кейіннен қажетті медициналық жабдықпен және мүкаммалмен жабдықтамақ. 

Бұдан бөлек, агрофирма мемлекеттік-жекешелік әріптестік шеңберінде жергілікті маңызы бар екі жолды қайта құру бойынша екі жобаны іске асырады. 

Еске сала кетейік, Елбасы өзінің "Болашаққа бағдар: рухани жаңғыру" атты мақаласында кәсіпкерлерді, табысты адамдарды өздерінің отанына қамқорлық көрсетуге шақырған болатын. 

«Туған жер» бағдарламасы аясында біреу мектеп салса, енді біреулері өз ауласын абаттандырумен айналыса алады. Көптеген кәсіпкерлер осы бастаманы қолдаған болатын.

"Родина" агрофирмасы" ЖШС өңірдегі үлгілі ауылдардың бірі болып табылады, онда бизнестің әлеуметтік жауапкершілігі жақсы дамыған. Ауылда өз авиациясы, хайуанаттар бағы, сүт кешені, хоккей корты, мәдени орталығы, шіркеуі және т.б. бар. Ал жақын арада бұл жерде агрофирманың өз қаражаты есебінен 18 үй салынған болатын, онда фирма қызметкерлері ғана емес, сонымен қатар ауылдағы әлеуметтік сала қызметкерлері де тұрып жатыр.