Б. Сағынтаев Грузия Премьер-Министрінің орынбасарымен кездесті
9 Маусым, 2017 15:01
Үкімет үйінде Қазақстан Премьер-Министрі Бақытжан Сағынтаевтың Грузия Премьер-Министрінің орынбасары Кахабер Каладземен кездесуі өтті, деп хабарлады primeminister.kz.
Кездесу барысында сауда-экономикалық, инвестициялық, транзиттік-көлік және мәдени-гуманитарлық салалардағы екіжақты ынтымақтастық, сондай-ақ сауда-экономикалық ынтымақтастық жөніндегі Үкіметаралық комиссияның алаңында қол жеткізген келісімдерді іске асыру мәселелері талқыланды.
«ЭКСПО-2017» көрмесінің тақырыбына ерекше назар аударылды.
Айта кетейік, Премьер-Министрдің орынбасары, энергетика министрі Кахабер Каладзе бастаған Грузия делегациясы Астанаға ЭКСПО-2017 халықаралық мамандандырылған көрмесінің ашылуына келді.
