Петропавлда МЖӘ аясында бірқатар әлеуметтік нысандар салынып жатыр
8 Маусым, 2017 13:47
Солтсүтік Қазақстан облысының әкімі Құмар Ақсақалов Петропавл қаласында мемлекеттік-жеке меншік серіктестік аясында жүзеге асырылып жатқан әлеуметтік нысандарымен танысты.
Бірінші нысан 1000 орынға арналған теннис орталығы болды. Кешен 4 жабық және 3 ашық теннис кортын қамтиды. Жоба бойынша екі жабық корт баскетбол мен волейболға арналған спорт алаңына өзгертіліп жатыр.
Келесі нысан – Офтальмологиялық оңалту орталығы, ол Театр көшесіндегі тұрғындарға амбулаториялық стационарлық көмек көрсетуге арналған. Нысан ашылған соң 27 жұмыс орны пайда болады.
Өңір әкімі Құмар Ақсақалов нысанды жыл соңына дейін тапсыру керектігін жеткізді.
