Астанада алғашқы отандық электробустар жүре бастайды

«Өндіріс Higer көлік алыбының қытайлық әріптестерімен бірлесіп ашылды. Электробус жүрісінің қоры 70 км, автобустағы батареяны зарядтау жылдамдығы 8 минутты құрайды, бұл соңғы аялдамада техникалық тоқтау кезінде батареяны зарядтап алып, бағдарын одан әрі жалғастыру үшін жеткілікті», - деді «Парасат» ҒТО» АҚ бақылау кеңесінің төрағасы Ерлан Стамбеков.

Батареяның жұмыс істеу мерзімі зарядтаудың 20 000 цикліне есептелген, ал электробус қозғалтқышы 1,5 млн км астам жол жүруге мүмкіндік береді.

«Электробус құрамасында батареяға негізгі көңіл бөлінген. Қазіргі уақытта оның жұмыс істеу мерзімі – 8 жыл», - деп жалғастырды Е. Стамбеков.

Автобус жергілікті ауа райы жағдайларына, температураның күрт өзгеруіне толық бейімделген және ЖҚЕ білетін ақылды техника болып табылады.

«Электробус 40 градусқа дейінгі температурада астананың қатаң қысқы сынағынан өтті. Сондай-ақ ҚБТУ мен ҚазҰТУ мамандарымен бағдарламалық қамтамасыз ету өнімі әзірленді, ол автобустарды интернет арқылы онлайн режимде қадағалауға және нақты автожолдағы жылдамдығын бақылауға мүмкіндік береді. Оған қоса, электробус тоқтайтын жерлерде немесе бағдаршамның қызыл түсіне жүре алмайтындай етіп бағдарламаланған, компьютер доңғалақтардың қозғалысын автоматты түрде тоқтатады. Бұл «Ақылды қала» жобасының іске асырылуы», - деп атап өтті Е. Стамбеков.

Электробустың орташа құны - 250 мың доллар. Қазақстандық қамту үлесі 40 пайызды құрайды.

«Батарея және оған қызмет көрсетумен байланысты нәрселердің барлығы 60%-ын құрайды. Қазіргі уақытта Назарбаев университетімен алғашқы отандық батарея жасау бойынша жұмыс жүргізіліп жатыр. Осы жоба іске асырылысымен қазақстандық қамту үлесін 95%-ға дейін жеткізбекпіз», - деп түйіндеді Е. Стамбеков.