• Басты
  • Түркия ЭКСПО-2017 көрмесіндегі павильонын таныстырды (ФОТО)
7 Маусым, 2017 10:42

Түркия ЭКСПО-2017 көрмесіндегі павильонын таныстырды (ФОТО)

Туркияның экономика министрлігінің өкілдері Астанада өтетін ЭКСПО-2017 көрмесіндегі ұлттық павильондарын таныстырды. Таныстыру шарасы Түріктердің Rixos Group мейрамханалар желісінің құрамына кіретін Риксос қонақ үйінде өтті.
Түркия ЭКСПО-2017 көрмесіндегі павильонын  таныстырды (ФОТО)

«Астанадағы ЭКСПО  халықаралық көрмесінің  тақырыбы «Болашақтың  энергиясы» тақырыбында  өтеді.  Біз осы орайда   павильонға не таңдайтынымыз туралы ойландық. Түркияның тақырыптық  тұжырымдамасы: «Тұрақты энергетика жолындағы Ғаламдық өзара әрекеттестік» деп аталады. Экспозиция девизі «Түркия – Энергия орталығы» дүниежүзілік  қоғамдастыққа Түркияның болашаққа сеніммен қарайтын  бейбітшілік сүйгіш ел екенін паш етеді», - деді   түрік павильонының комиссары, Түркияның  экономика вице-министрі Фатих Метин.

Түркия павильонының аумағы  1000 шаршы метрді құрайды. Оның жанында Таиланд, Иордания  және Әзербайжан павильондары орналасқан.

«Көрмені жоғары деңгейде ұйымдастыру және өткізу – өте күрделі іс, бұны кез келген ел жүзеге асыра алмауы да мүмкін. Қазақстан ауқымды жұмыс жасады. Түркия Қазақстанға  көрменің сәтті өткізуін тілейді. Бұл қазақстанның әлемде танылуы мен экономикасының дамуына айтарлықтай әсер етеді», - деді  Ф.Метин.

Логотип композициясының  негізі дүниежүзілік  энергия көзі – Күн болып табылады.

Таныстырылымның соңында түрік делегациясы  қонақтарға арнап «Ауызашар» берді.  Тұсаукесер  қонақтары алдында  «Челлистамбул» виолончельшілер квартеті өнер көрсетіп, түрік халқының  «Сема»  және «Ней»  билері орындалды.

Айта кетейік, Түркия ЭКСПО көрмелеріне  34 рет қатысты. Ол – 1851 жылы Лондонда  өткен алғашқы ЭКСПО-ға  қатысқан ел. 2016  жылы Түркия  тұңғыш рет өз  елінде дүниежүзілік  деңгейдегі аса ауқымды шара  - «WorldBotanicEXPO-2016» Халықаралық мамандандырылған  көрмесін өткізу  құқығына ие болды. «Балалар мен гүлдер»  девизімен  өткен бұл көрме  осы саладағы  жұртшылық қызығушылығына  ерекше ие болған оқиға болып саналады. Төрт айдан сәл ғана астам уақыт ішінде  көрмені 4,5 миллионнан астам  адам тамашаған. Кейбір күндеоі көрмеге келушілер  саны  70 мың адамнан асып кеткен.

Қайрат Жандыбаев

 

Барлық жаңалықтар