Астанада шетелдік туристерге арналған қазақ сөздігі шығарылды

6 Маусым, 2017 17:16

Л.Н. Гумилев атындағы ЕҰУ ЭКСПО-2017 аясында шетелдік туристерге арналған мультилингвалды көрнекі қазақ сөздігін шығарды, ол бес тілде жарық көреді: қазақ, орыс, ағылшын, неміс және француз.

ЖОО филологтары мен шетелдік консультанттардың еңбегі ерен: әрбір сөз халықаралық транскрипциямен бекітілген, деп хабарлады Elorda.info.

200 лексикалық бірлікті құрайтын мәдени материалды жинақтаудың мақсаты оның классификациясы мен аудармасы қазақтың мәдени-тарихи ерекшеліктерін жеткізу еді.

Хабарламада көрсетілгендей, аталмыш лексикографиялық сөздікті құрудағы негізгі міндет қазақ тұрмысының қайталанбас ерекшеліктері мен салт-дәстүрін, әдет-ғұрпын, киім-кешегін бір мезетте бірқатар әлем елдерінде түсіндіру.

Аударма тәжірибесі мен оқытуда қолдануға бағытталған, сондай-ақ, туристік салада ақпараттық көз ретінде қолдануға болады.

Аталмыш анықтамалықта сақталған мәліметтер қазақ халқының тұрмысы мен мәдениетіне қызығушылардың барлығына пайдалы бола алады.