Корея павильоны қонақтарды қарсы алуға дайын

5 Маусым, 2017 16:47

Корея өз павильонының дайындығын тәмамдады, енді қонақтарды қабылдауға әзір. Павильонның ресми ашылуы 11 маусым күні сағат 10-да өтеді. Бұл туралы ҚР-дағы Кореяның Төтенше және Өкілетті елшісі Ким Дэ-сик ЭКСПО алаңындағы медиа-орталықта өткен баспасөз конференциясында мәлімдеді.

«Корея павильоны халықаралық павилондардың ішіндегі ең ауқымдысы. Барлық корей компаниялары құрылысқа қатысты. Мен корей павильонын дайындауға қатысқан барлық адамдарға алғыс білдіремін. Павильон қонақтарды қабылдауға әзір», - деді елші.

Өз кезегінде, Корея павильоны директорының орынбасары Ким Джунг-Хун айтып өткендей, Корея павильоны 1804 шаршы метрді құрап отыр, ол Германия мен Жапония павильондарымен қатар, ең ірі павильонның бірі болып саналады.

«Павильонның тақырыбы – Оңтүстік Кореяның энергетикалық держава ретінде жетістігі, табиғи ресурстардың тапшылығын жеңіп, энергетика алаңында жетекші елге айналудың жолы. Павильон екі қабаттан тұрады. Бірінші қабатта 1125 шаршы метрлік көрме залы. Алғашқы алаңда графика арқылы Кореяның энергетикалық дамуы көрсетіледі. Екінші аймақта Оңтүстік Кореяның энергетикалық дамуының болашағын көре алады. Үшінші алаңда жаңа энергетикалық технологиялармен таныса алады. Екінші қабатта 679 шаршы метр алаңда «Корей толқыны» таныстырылады. Виртуалды шынайылық көмегімен келушілер Чеджу аралындағы Пхенчандағы Олимпиада ойындарын тамашалай алады. Сондай-ақ, корейлік жұлдыздар мен танымал тұлғалардың суретін көре алады. Екінші қабатта ұлттық сувенирлердің дүкені орналасқан», - деді ол7

Қайрат Жандыбаев

Барлық жаңалықтар