4,5 мың ерікті ЭКСПО-ға дайын (ФОТО)

5 Маусым, 2017 15:33

ЭКСПО-2017 алаңында қорытынды репетиция күні амфитеатрда ЭКСПО-2017 еріктілерін салтанатты қабылдау өтті. Бүгінгі таңда 4,5 мың ерікті таңдалып, әзірленді. Бұл туралы қала әкімі Әсет Исекешев мәлімдеді.

«Бүгінгі таңда 4,5 мың ерікті таңдалып, дайындалды – ЭКСПО-да әр айда 1500 адамнан қызмет көрсетеді. 800 ерікті қазақстандық өңірлерден жиналды: 300 – Алматы, 250-Қарағанды, 100 – Павлодар мен Қостанай. 150 ерікті 46 алыс және жақын шетелден келген . Бірінші кезең 10 маусымнан бастап шілденің алғашқы күніне дейін жұмыс істейді, екінші кезең ротацияланады, үшінші кезең тамыз айынан 10 қыркүйекке дейін жалғасады. Сондай-ақ, 1,5 ерікті қала бойынша тәулік бойы жұмыс істейді: полицияға көмектесу, ауруханалар мен әуежайларда 6 тілде жәрдемдеседі. Қалалық еріктілер ЭКСПО еріктілерімен тығыз байланыста болады. Біз бекітілген мақсатты жүзеге асырамыз деген ойдамын», - деді Ә.Исекешев.

Еріктілерге үндеу жасай отырып қала әкімі ірі жобада сәттілік тіледі.

«Бізді бүгін ауқымды жоба күтіп тұр. Біз 93 күнге созылған марафонды бірге жүріп өтуіміз керек. Бұған дейін Астанада жыл бойы 800 мың турист болды. Енді үш айда біз 2 млн адамды күтіп отырмыз. Бұл өте үлкен қысым. Бізге баршаңыздың көмегіңіз керек. Сондықтан мен баршаңызға сәттілік пен күш-қуат тілегім келеді. Барлығымыздың көңілімізден шығу үшін өз кәсібиліктеріңізді көрсетсеңіздер екен деймін», - деді Ә.Исекешев.

Еріктілер кодексті салтанатты түрде оқи отырып, ант қабылдады. Одан әрі шара отандық жұлдыздар қатысқан мерекелік шараға ұласты.

Қайрат Жандыбаев