• Басты
  • Арнасайда «EXPO-Camp» палаталық лагері ашылады
5 Маусым, 2017 20:03

Арнасайда «EXPO-Camp» палаталық лагері ашылады

Ақмола облысының Арнасай ауылында «EXPO-Camp» жастар палаталық лагері ашылды.
Арнасайда «EXPO-Camp» палаталық лагері ашылады

«EXPO-Camp» тұжырымдамасына сәйкес, жастардың 12 тақырыптық маусымға (апта) қатысу бағдарламасы құрастырылды. Бағдарлама аясында әрбір маусымға қатысушылардың «Астана ЭКСПО-2017» халықаралық көрмесіне қатысуы көзделген.

Демалыс бағдарламасы инновациялық-дуалдық принциптерге негізделген.

Сондай-ақ, келушілер үшін инновациялық идеялармен алмасу, өз «жасыл» жобаларымен таныстыру мүмкіндігін беру мақсатында тренингтер мен ойындар ұйымдастырылады.

«Жасыл экономика» және G-Global дамыту коалициясының баспасөз қызметі хабарлағандай, лагерьдің алғашқы қатысушылары Назарбаев Зияткерлік мектебінің оқушылары болды.

Арнасай ауылы Қазақстанның алғашқы «жасыл» ауылы болып табылатынын атап өту қажет, онда ауыл тұрғындары «жасыл» технологияларды пайдаланып, органикалық көкөніс өнімін өсіреді. 2015 жылы ауылда 35 «жасыл» технология пайдаланылатын Жасыл технологиялар орталығы ашылды, осының арқасында Арнасай ЭКСПО-2017 көрмесінің көрсетілім алаңы болып жарияланды.

ҚР Президенті Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауын насихаттау және іске асыру үшін лагерь болашақта республикамыздың болашақ «жасыл» және инновациялық көшбасшыларын тәрбиелеу тұғырнамасына айналады. 

Барлық жаңалықтар