• Басты
  • «Астана су арнасы» үш күн электр станциясын іске қосты
3 Маусым, 2017 10:03

«Астана су арнасы» үш күн электр станциясын іске қосты

«Астана су арнасы» МКК жалпы қуаттылығы 20 кВт болатын үш күн электр станциясын іске қосты. Жабдық пилоттық жоба ретінде өтеусіз негізде орнатылды.
«Астана су арнасы» үш күн электр станциясын іске қосты

Кәсіпорын хабарлағандай, жобаның басты міндеті – энергия үнемдеуші технологиялардың тиімділігін талдау.

«Қуаттылығы 5 кВт болатын екі күн панелі – су айдауыш және кәріздік сорғы станцияларында, 10кВт болатын біреуі сорғы сүзгі станциясында орнатылды. Күн панельдерінің қуаттылығы аумақты жарықтандыру және объектілерді желдету үшін электр қуатының қажеттіліктерін толығымен өтейді. Осылайша, енді күн энергиясының арқасында электр энергиясының барлық орталықтандырылған өндірісі қоршаған ортаны ластамайтын болады. Оған қоса, 2020 жылға қарай, оның құны көмір энергиясынан 2 есе арзан болмақ», - деп атап өтті «Астана су арнасы» МКК бас директоры Табиғат Зейнұлқабден.

Сондай-ақ, ол жоғарыда аталған объектілерде фотоэлектр қондырғыларын енгізу электр энергиясының сапасын арттыруға, шамдардың қызмет ету мерзімін және техникалық қызмет көрсету аралықтарын ұлғайтуға мүмкіндік беретінін де айтып өтті.

Бұдан бөлек, жалпы жаңа технологиялардың енгізілуі есебінен электрмен жабдықтау жүйесінің істен шығуы, жарықтың авариялық сөнуі, техникалық қызмет көрсетуге кететін уақыт азаяды, бұл жөндеу персоналын басқа міндеттерді орындауға бағыттауға мүмкіндік береді. 

Барлық жаңалықтар