Ақмола облысында балалар үйінің тәрбиеленушілеріне пәтер кілттері табысталды
25 Желтоқсан, 2013 11:00
Ақмола облысының Ақкөл қаласында кезекте тұрған 45 адам жаңа пәтерге қол жеткізді, деп хабарлайды облыс әкімдігінің баспасөз қызметі.
«Жаңа қоныс иелері – бұрынғы балалар үйінің тәрбиеленушілері. Ертеректе Ақмола облысы Бурабай ауданында 33 түлек жаңа пәтер иесі атанған болатын», - делінген хабарламада.
Айта кету керек, келешекте Ақкөл ауданында «Қолжетімді баспана-2020» бағдарламасын іске асыру аясында тағы да көппәтерлі үй қолданысқа берілмек. Келесі әлеуметтік жоба – екі көппәтерлі үй мен 18 пәтерлі жас отбасыларына арналған пәтер.
Сонымен қатар, заманауи емхана мен типтік балалар үйін салу құжаттарын дайындау жұмыстары жүргізілуде.
2014 жылы ауданда жүзу хауызының құрылысы аяқталмақ.
