Алматыда велосипед бекіткіштері бар автобустар пайда болады
Инновациялық жоба аясында қалада велосипедпен жүру қолайлылығы үшін қоғамдық көліктің алдыңғы бөлігіне орнатылатын арнайы бекіткіштер әзірленді.
Жобаның мақсаты – Қазақстандағы көпшілік велоспорт инфрақұрылымын жақсарту.
Осы әлеуметтік жобаны енгізу және іске асыру велосипедтерді автобустармен қолайлы әрі тегін тасымалдай отырып, бағдардың ең күрделі учаскелерін қоғамдық көлікпен жүруге мүмкіндік береді.
«Велосипедтерге аррналған багажник автобустың алдыңғы бамперіне бекітіледі: велосипедші екі доңғалақты құралын мобильді тұраққа қойып, қажетті аялдамаларын автобуспен жүріп өте алады. Бұл кез келген ірі қаланың көлік жағдайын жақсартуға мүмкіндік береді. Тұрғындардың велокөлікті пайдалануы көшелердегі автомобильдер санының азаюы есебінен өткізу қабілетінің ұлғаюына және атмосфераға шығарылатын зиянды тасталымдардың едәуір азаюына мүмкіндік береді», - делінген хабарламада.
Жоба қауіпсіздік мәселелерін шешуге және балаларды спортқа тартуға, велосипедшілер санының көбеюіне ықпал етеді.
