• Басты
  • Астана Халықаралық балалар күнін атап өтуде (ФОТОРЕПОРТАЖ)

Астана Халықаралық балалар күнін атап өтуде (ФОТОРЕПОРТАЖ)

1 Маусым, 2017 16:44
Елордада алғаш рет балалар мен жастар музыкалық оркестр және ансамблдерінің шеруі өтті, деп хабарлады қала әкімдігі.

Шеру әкімдік алдындағы орталық алаңда ҚР қорғаныс министрлігінің үрмелі аспаптар оркестрі мен Астана қаласы әкімдігінің Мемлекеттік академиялық оркестрінің сүйемелдеуімен бастау алды. Соның аясында қатысушылар «Қара жорға» флэшмобын ұйымдастырды.

Салтанатты шараға ҚР білім және ғылым министрі Ерлан Сағадиев, қалалық білім басқармасының өкілдері және Астана қаласы әкімінің орынбасары Ермек Аманшаев қатысты.

«Биыл қала мектептері жоғары нәтижелерге қол жеткізді, оны саралап тұруға әлбетте уақыт тығыз. Дегенмен, бір нәрсені айтпай кету мүмкін емес: олимпиада жарыстары бойынша  11 жыл қатарынан елордалық команда жүлделі бірінші орынды ешкімге бермей келеді. Бұл өте жақсы көрсеткіш әрі біздің оқушылардың еңбегі», - деді қала әкімінің орынбасары Ермек Аманшаев.

Бүгінгі шара «Мәңгілік Ел» жалпыұлттық идеясын жүзеге асыру бойынша эстетикалық және патриоттық тәрбие беруде оқушылар мен студенттердің көше-фестивалі шерулерін қолдап, дамытуға бағытталған.

 

Барлық жаңалықтар