Бұқар Жырау ауданында 19 ауыл шаруашылығы кооперативі ашылды
1 Маусым, 2017 13:31
Бұқар Жырау ауданында бүгінгі таңда 19 ауылшаруашылық кооперативтері құрылған. Олар негізінен ет және сүт өнімдерін өндірумен айналысады. Солардың біреуі құс өсірумен айналысуды шешкен, деп хабарлады Қарағанды облысының әкімдігі.
Қарағанды облысы Бұқар Жырау ауданының Центральное ауылында инкубаторлық қаздар мен үйректер өсіретін біріккен ферма ашылмақ. 23 қоныс иелері жұмылып, «ECO-STANDARD» ауылдық өндірістік кооперативін құрған. Кооператив мүшелері мемлекеттік қолдау бағдарламасын пайдаланып, инкубатор мен сүт қабылдау пунктін сатып алған. Қазіргі таңда қүрылғыларды орнату жұмыстары жүргізіліп жатыр. Инкубаторға арналған жұмыртқаларды кооператорлар репродуктивті орталық жұмыс істейтін Солтүстік Қазақстан облысындағы Новоишимское ауылынан алып келген. Қаз және үйрек балапандары шығатын 4000 дана жұмыртқа сатып алынды.
Ал сүт қабылдау пункті маусым айында іске қосылады деп жоспарлануда.
