Теміржолшылардың 200-ге жуық балалары ЭКСПО-2017 көрмесіне барады
1 Маусым, 2017 11:57
Аймақтардан келген теміржолшылардың 200-ге жуық балалары Астанадағы ЭКСПО-2017 көрмесіне барады, деп хабарлады «ҚТЖ»ҰК»АҚ.
Екі күннің ішінде балалар ЭКСПО павильондарын аралайды, сонымен қатар Қазақстанның ұлттық павильонын да тамашалайды.
Бұдан басқа балалар, Ұлттық музейде, Тұңғыш Президент атындағы музейде және «Тұлпар Тальго» зауытында болады.
«Елордадағы ЭКСПО- 2017 көрмесіне үздіктердің үздігі, облыстық олимпиадалардың жеңімпаздары мен қатысушылары келеді. Бұл сапар олар үшін мамандық таңдауда анықтаушы фактор болады», -деп атап өтті акцияны ұйымдастырушылар.
