31 Мамыр, 2017 15:47

1 маусымда жаңа вокзалалғашқы жолаушыларын қабылдайды

Жаңа вокзал ертең, 1 маусымнан бастап алғашқы жолаушыларын қабылдайды. Кесте бекітілген. Бұл туралы вокзал шаруашылығын пайдалану және дамыту директоры Жұбан Көрпебаев «Нұрлы жол» теміржол вокзалының ашылу салтанатында хабарлады.

Ж. Көрпебаев хабарлағандай, жаңа вокзал 27 пойыздар жұбын қабылдайтын болады, бұл дегеніңіз 54 пойыз. Жалпы, бір тәулікте шамамен 20 мыңнан астам жолаушылар айналымы болады деп күтілуде.

«Жаңа «Нұрлы жол» вокзалы бірінші кезекте соңғы станциясы Астана болатын пойыздарды қабылдайды. Осы ретте, ескі вокзал өз жұмысын жалғастыра береді. Алайда ол транзиттік пойыздарға басымдық береді», - деді сарапшы.

Ол атап өткендей, аталмыш вокзал жолаушылар хабы іспетті болады.

«Келер жылы соңғы аялдамасы бар LRT желісі тартылады, ол қала орталығын ЭКСПО-ның шығыс аймағын, Назарбаев Университетін және ауежайды қосады. Бұл мәселе әкімдікпен мақұлдануда. Аталмыш вокзалда қалалар арасында жүретін автобустарға да орын берілген. Олардың жеке кассалары болады. Сонымен қатар, қалалық қоғамдық көліктің жүру бағыты да қалалық әкімдікпен мақұлданды. Сәйкесінше, осы игіліктердің барлығы іске қосылғанда ол жолаушылар хабына айналады», - деді Ж.Көрпебаев.

Ж.Көрпебаев түсіндіргендей, жолаушыларды отырғызу немесе түсіру үшінші қабатта перронда жүргізіледі. Төртінші қабатта билеттер кассалары, анықтама бюросы, сауда дүңгіршектері орналасады. Ал, бесінші қабатта күту залымен қатар қоғамдық тамақтану орындары болады. Алтыншы қабат қызметтік техникалық бөлмелер мен вокзал әкімшілігіне арналған.

«Вокзалдың перрондары барлық вагон түрлерін қабылдауға дайын, сонымен қатар Тұлпар-Тальголар үшінде жеке перрондар бар. Жалпы ол заманауи технологиямен жабдықталған» - деп бөлісті спикер.

Сонымен қатар, ол баса айтып кеткендей, жаңа вокзал барлық заманауи талаптар мен нормаларға жауап береді.

«Вокзалдың қауіпсіздігіне үлкен көңіл бөлінген. Мұнда шамамен 510 бейне бақылау камералары орнатылған. Сондай-ақ қауіпсіздік қызметінің қызметкерлері де ұдайы вокзалды аралап, жолаушылар қауіпсіздігін қырағы қорғайтын болады», - деп хабарлады Ж.Көрпебаев.

Естеріңізге сала кетейік, бүгін Мемлекет басшысы Астанадағы жаңа теміржол кешенін ашты.

Қайрат Жандыбаев

Фото автордан

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды