Астанадағы аймақтық ауылшаруашылық жәрмеңкесінде 500 тонна өнім сатылады
31 Мамыр, 2017 13:58
3-4 маусым Астанада Қызылорда, Атырау, Батыс-Қазақстан облыстарының өнім өндірушілерінің жәрмеңкесі өтеді, деп хабарлады қала әкімдігінің ресми сайты.
500 тоннаға дейін өнім сатылады деп жоспарланған. Атап айтар болсақ, жылқы еті, күріш, көкөністер, картоп, сүт, кондитерлік өнімдер, балық, шұжық өнімдері тағы да басқа көптеген азық-түлік саудаланбақ.
Жәрмеңке «Қазақстан» спорт кешенінің көлік тұрағы аумағында өтеді.
Қала тұрғындары мен қонақтары өнімдерді базар бағасынан 15-20% арзанға сатып ала алады.
Сондай-ақ, Астанада 13 мамырдан 1 қазанға дейін «Қазақстан» СК және «Алай» СОСО автотұрақ алаңдарында өңірлік ауыл шаруашылық жәрмеңкелері өтеді
