ШҚО-да жол жөндеу қаражатының лимиті ұлғайды
30 Мамыр, 2017 18:53
ШҚО мәслихатының кезектен тыс XI сессиясы барысында 2017-2019 жылдарға арналған облыстық бюджетке толықтырулар мен өзгертулер енгізу мәселелері талқыланды.
Облыс әкімдігінің хабарлауынша, қаражатты облыс бюджетіне түскен қаржы есебінен бөлу жүргізілуде. Биыл жаңа медициналық қондырғыны сатып алуға 4 млрд теңге бөлінеді. Үш млрд теңгеге жуық қаражатты 48 мектеп пен ЭКСПО аясындағы ұйымдардың жөнделуіне бағыттайды.
Сондай-ақ, бөлінген қаражат есебінен мамандандырылған балалар мен жасөспірімдер спорт мектебінің базасында Триатлон бөлімін ашу жоспарланып отыр.
Жол жөндеу, құрылыс пен энергетика және тұрғын үй -коммуналдық шаруашылығының лимиті арттырылды.
Бюджет жобасын ШҚО мәслихатының депутаттары қабылдады.
