ЕАЭО елдерімен өзара сауда 302,6 млн долларды құрады
29 Мамыр, 2017 11:13
Алдын ала деректер бойынша 2017 жылғы қаңтар-наурызда Астана қаласының Еуразиялық экономикалық одақ елдерімен өзара саудасы 302,6 млн. АҚШ долларын құрады, бұл 2016 жылғы сәйкес кезеңнен 21,6%-ға көп, оның ішінде экспорт - 19,6 млн. АҚШ доллары (10,3%-ға аз), импорт - 283,0 млн. АҚШ доллары (24,6%-ға көп).
Астана қаласының статистика департаменті хабарлағандай, 2017 жылғы қаңтар-наурызда Ресей Федерациясында экспорт 16952,5, мың АҚШ долларын құрап, өткен жылғы сәйкес кезеңмен салыстырғанда 9,9%-ға азайды, импорт 271016,7 мың АҚШ долларын құрап, өткен жылғы сәйкес кезеңмен салыстырғанда 24,7 %-ға көбейді.
2017 жылғы қаңтар-наурызда Беларусь Республикасында импорт 10326,6 мың АҚШ долларын құрап, өткен жылғы қаңтар-наурызбен салыстырғанда 9,7%-ға көбейді, экспорт 56,1 мың АҚШ доллары сомасында қалыптасып, 72,2%-ға азайды.
