ШҚО-да қараша айында жаңа турбиналы генератор іске қосылады
25 Мамыр, 2017 11:41
Шығыс Қазақстан облысында жергілікті халық жылу орталығы арқылы алынған арзан электр энергиясымен қамтылады. Зырян ауданында жылдық қуаттылығы 6 мгВт-ты құрайтын 2 турбиналы генератор іске қосылады.
«Зыряновтағы № 5 қазанагрегатты электрмен жабдықтауды автоматтандыру жобасы жүзеге асырылуда. Жоба концессиялық келісім аясында жүзеге асырылуда. Орналастыру жүргізілген соң жылу орталығы арқылы алынған арзан электр энергиясымен жергілікті халық қамтамасыз етіледі», - деді Зырян ауданының әкімі Нұржан Тоқсейітов.
Аталмыш жоба 1,4 млрд теңгені құрап отыр. Қараша айында турбиналы генератор іске қосылады.
